Jalan Sehat Bukan Jalan Sesat

| dilihat 1942

MPOK Wati baru aje selesai ngerapiin warungnye. Senja turun perlahan. Asistennye ude ngebersiin seluruh meja. Adzan maghrib kumandang dari masjid Al Ikhlas.

Mpok Wati segera bergegas ke masjid.

Salat maghrib berjama’ah kali ini keliatan rame. Kyai Pendi yang jadi imam, ngebaca sejumlah ayat di surah Al Maaidah pada rakaat pertama. Pada raka’at kedua, sambungan ayat dari surah yang sama, dibacain ame Kyai Pendi.

Abis solat dan berdo’a, Kyai Pendi ngasih ‘kuliah tujuh menit’ atawa kultum. Die ngebahas ayat-ayat yang dibacanya tadi, termasuk surah Al Maaidah ayat 51.

“Bunyi ayat ini sudah jelas dan terang benderang. Ayat ini bertalian dengan ayat-ayat sebelumnya,”ujar Kyai Pendi, sembari menjelaskan esensi ayat-ayat itu, terutama Surah Al Maaidah ayat 49, 50, dan 51.

Ayat-ayat yang memberi peringatan kepada setiap muslim, untuk memutus perkara kehidupan (dalam konteks hubungan antar manusia) dengan hukum Allah. Juga peringatan agar kaum muslim, tidak mengikuti hawa nafsu kaum Nasrani dan Yahudi yang cenderung hendak memalingkan umat Islam berpaling dari peringatan (dan hukum) yang sudah diturunkan Allah.

Allah mengajukan pertanyaan agar kaum muslim berfikir tentang kualitas hukum jahiliyah yang mereka kehendaki dan hukum Allah. Melalui surah Al Maaidah ayat 51, Allah menegaskan , agar setiap kaum mukmin tidak mengambil orang-orang Yahudi dan Nasrani sebagai awliya’ – yang secara sosiologis – politis dipahami sebagai pemimpin untuk melayani kepentingan umat. Bagi kaum Yahudi dan Nasrani, pemimpin mereka adalah yang sejalan dengan keimanan mereka. Begitu juga bagi kaum muslim dan mukmin.

“Inti pesen surah Al Maaidah ayat lima puluh satu itu, sebenernye ape sih Kyai?” tanya Mpok Wati.

Kyai Pendi tersenyum, lalu merespon.

“Wati kayak nggak pernah belajar aje. Ini ayat negesin, setiap mukmin kudu taat ame Allah dan Rasul-Nye. Ketaatan yang utuh.”

Lantas Kyai Pendi melanjutkan. Dia menjelaskan, suatu ketika Ubadah bin Ash Shamit dari Bani ‘Aud bin Khazraj menghadap Rasulullah Muhammad SAW. Die dateng mao ngeyakinin Rasulullah, kalo die seutuhnya loyal ame Rasulullah, lantas bersungguh-sungguh taat kepada Allah dan Rasulullah.

“Emangnye ade ape, sampe segitunye Ubadah musti nyatain dirinye kayak begitu?”

“Begini Wat. Sebelonnye, Ubadah ame Abdullah bin Ubay bin Salul – tokoh munafik Madinah, teriket perjanjian buat saling ngebela Yahudi Bani Qainuqa.’ Akibatnye, waktu si Yahudi memerangi Rasulullah, Ubadah ame Abdullah bin Ubay, ngambil jarak. Die kagok, lantaran ude nempatin si Yahudi Bani Qainuqa’ sebagai pemimpin.”

“Terus gimane reaksi Rasulullah?”

“Belon sempet Rasulullah bereaksi, malaikat Jibril dateng. Ngebacain ayat ke lima puluh satu surah Al Maaidah itu.”

“Jadi ntu ayat ngingetin supaya kaum beriman cuman taat ame Allah dan Rasulullah aje.., dan nggak ngangkat kaum Yahudi dan Nasrani jadi pemimpin mereka?”

“Begitu maksudnye, Wati,”ucap Kyai Pendi.

Wati manggut-manggut.

“Ni ayat ude jelas, terang benderang, kaya matari waktu lohor. Kagak perlu ditapsir-tapsir lagi. Apelagi ditapsir ame yang kagak ngerti,”lanjut Kyai Pendi.

Wati paham. Die ame jamaah laen, termasuk Mpok Jane pamit. Abis ngucapin salam, die pegi ninggalin mesjid. Sepanjang jalan, Mpok Wati ame Mpok Jane ngobrol. Mpok Wati sempet kaget, lantaran Mpok Jane sekonyong-konyong nanya.

“Mpok Wati.. saye mao nanya nikh. Emangnye iblis ame setan jahat ye?”

“Pastinye begitu..”

“Kayak gimane jahatnye?”

“Banyak banget jahatnye. Intinye sih ngajak manusia supaya kagak ngikutin ape yang ude Allah perintahin.”

“Termasuk ngegoda supaye manusia ngikutin jalan yang sesat ye?”

“Begitu deh. Allah mengutus Rasulullah supaya kite-kite nikh, pengikutnye ngejalanin hidup di jalan lurus dengan cara jalan sehat. Bukan jalan sesat. Nah, iblis ame setan ame begundal – begundalnye terus ngegoda supaya kite lewat jalan sesat. Carenye macem-macem. Termasuk ngerayu kite supaya kopeg, ngotot, bahwa ape yang ude diajarin Rasulullah kudu ditapsir-tapsir.”

Mpok Jane manggut-manggut.

“Bener kate Kyai Pendi tuh, Jane.. ayat yang ude jelas jangan ditapsir-tapsir lagi.”

“Termasuk memilih pemimpin?”

“Iye.. Kalo ade pemimpin yang taat ame Allah dan Rasulullah, ngapain juga musti ngikutin pemimpin yang laen.. Makenye Mpok Jane kudu rajin tuh solat maghrib berjamaah. Supaye pengetahuan agama kite bener.”

“Iye.. ye Mpok Wati..” ungkap Mpok Jane.

Keduanye kagak berasa, tahu-tahu ude di depan warung Mpok Wati aje.

“Sebenernye saye masih ade pertanyaan nikh Mpok..”

“Kalo gitu Mpok Jane mampir aje dulu,”balas Mpok Wati.

Lalu keduanye duduk ngobrol di bale depan warung Mpok Wati.

“Ape yang Mpok Jane mao tanya?”

“Begini Mpok Wati. Saye dapet pertanyaan dari Mpok Rita.. Ntu tuh tetangge kite yang dulu tinggal di Rawabelong.”

“Ape pertanyaannye?”

“Kalo ude tahu iblis ame setan jahat, kok masih diberi hak hidup ame Allah?”

“Itulah bukti Allah itu Maha Adil. Biarin jahat, Allah memberikan hak hidup tuh ame iblis dan setan, supaye orang-orang beriman tambah kuat imannye, tambah sabar dan tahan uji ngadepin ujian dari Allah.”

“Cuman itu doang?”

“Selaen ntu.. juga supaya kita kagak lengah, tambah waspada, tambah berkualitas sebagai mukmin. Termasuk tambah berani ngejabanin tuh iblis ame setan. Supaya kite jadi pemenang dalam negakin akidah islamiyah..”

Lagi, Mpok jane manggut-manggut.

Obrolan keduanye kepotong, lantaran dateng Sudja ame Mas’ud, dua remaja tetangga Mpok Wati, numpang latihan silat di pelataran warung ame rumah Mpok Wati.

“Sudja.. Mas’ud.. Mpok mao minta tulung nikh. Abis latihan tulung anterin beras titipan Bang Bedi ke rumah Mpok Iyam ye..”

“Mpok Iyam yang punya anak yatim?”

“Iye..”

“Baek Mpok.. “

Mpok Jane pamitan. Die ngelenggang pulang ke rumahnye. Mpok Wati masuk ke dalem rumahnye. Sudja ame Mas’ud nungguin anak-anak yang mao latihan silat. Begitu pade dateng.., kontan deh pade latihan jurus-jurus silat Kong Sabeni.. | 

Editor : sem haesy
 
Energi & Tambang
Sporta
07 Jul 23, 08:50 WIB | Dilihat : 1095
Rumput Tetangga
Selanjutnya